Ministri i Infrastrukturws Pal Lekaj përmes një statusi në profilin e tij në facebook ka bërë të ditur se pavarësisht reshjeve të borës dhe motit të ftohtë gjendja e rrugëve në vend është nën kontroll dhe të gjitha rrugët magjistrale dhe rajonale janë të kalueshme, shkruan arbresh.info

Lekaj ka kërkuar nga qytetarët që vëmendje të kenë gjatë natës kur temperaturat do të arrijnë në minus.

Ky është shkrimi i tij i plotë në facebook:

“Rajonin e ka përfshirë një mot me borë dhe temperatura të ulta, nga kjo pashmangshëm është përfshirë edhe Kosova. Deri tani gjendja është në kontroll, rrugët magjistrale dhe autostradat janë të kalueshme. Rrini me vëmendje për ngrica sidomos gjatë natës ku temperatura do të jetë minus.

Kompanitë e mirëmbajtjes nën mbikqyrjen e menaxherëve tonë rajonal janë në detyrë. Rrugët që i takojnë Ministrisë së Infrastrukturës do të kenë vëmendjen e shtuar, por kjo nuk nënkupton që nuk jemi të gatshëm t’iu dalim në ndihmë edhe Komunave në rrugët e tyre nëse kjo do të jetë e nevojshme”, ka shkruar ai./arbresh.info/